Helpwch ni i lunio ein gwasanaethau am y pum mlynedd nesaf
Rydym yn gwybod mai ein cwsmeriaid yw’r bobl orau i’n helpu ni i lunio a gwella ein gwasanaethau. Rydych chi yn gwybod yn union pan fydd pethau’n mynd yn iawn a lle gellir gwella. Rydym nawr yn cynllunio ar gyfer y pum mlynedd nesaf (2023 to 2027) ac rydym eisiau i chi rannu eich syniadau a dweud wrthym beth sydd angen i ni ganolbwyntio arno yn eich barn chi.
Ysgrifennwyd gan Fiona
—30 Mai, 2022
Yr hyn rydych eisoes wedi ei ddweud
Rydym wedi cael llawer o adborth yn barod gan ein cwsmeriaid: o’r arolwg STAR diweddar, arolygon boddhad cwsmeriaid a phan fyddwch yn siarad gyda’n staff. Dyma’r hyn ydych chi eisoes wedi ei ddweud wrthym:
Yr hyn rydym yn ei wneud yn dda
- Rydych yn dweud eich bod yn hapus gyda’n gwaith cynnal a chadw wedi ei gynllunio (e.e. adnewyddu ceginau, gwasanaethu cyfarpar nwy a thrydan).
- Mae trigolion newydd yn dweud wrthym eu bod yn hapus gyda safon eu cartref pan fyddant yn symud i mewn.
- Mae pobl sy’n symud i mewn i gartrefi newydd eu hadeiladu yn dweud eu bod yn hapus gyda’r broses o gofrestru fel tenantiaid a gydag ansawdd eu cartref newydd.
- Rydych yn dweud bod y staff trin galwadau rydych yn siarad gyda nhw ar y ffôn yn gymwynasgar, yn gwrtais, caredig ac yn deall.
Beth allen ni ei wneud yn well
- Gall ein gwasanaeth cynnal a chadw a thrwsio fod yn araf a gallai cyfathrebu fod yn well.
- Rydych yn dweud wrthym nad ydych mor hapus gyda’ch cymdogaeth fel lle i fyw oherwydd ymddygiad trigolion landlordiaid eraill.
- Nid ydych yn meddwl bod ein taliadau gwasanaeth yn cynnig gwerth da am arian.
- Pan fyddwch yn defnyddio dulliau digidol (ebost er enghraifft) i gysylltu â ni, rydych yn llai bodlon gyda’r canlyniad na phan fyddwch yn cysylltu â ni ar y ffôn
Cyfleoedd at y dyfodol
- Gwneud eich cymdogaeth yn lle gwell i fyw.
- Gwneud rhedeg eich cartref yn fwy fforddiadwy.
- Cynnal a chadw a thrwsio – roeddem yn arfer gwneud hyn yn well. Beth sydd wedi newid?
- Beth allwn ei wneud i wneud i chi feddwl ein bod yn gwrando arnoch yn well?
- Gwell cyfathrebu digidol.
Rhwystrau, pethau a allai fod ar ffordd o ran cael y newidiadau rydych eisiau eu gweld
- Pwysau costau byw ar ein trigolion.
- Cost gwneud ein cartrefi yn fwy ynni-effeithiol.
- Pwysau gan y llywodraeth.
- Cynnydd mewn costau benthyca.
- Cost deunyddiau sydd eu hangen i adeiladu cartrefi newydd a thrwsio cartrefi presennol yn mynd i fyny.
- Anhawster recriwtio gweithlu gyda’r sgiliau gofynnol.
