Hyfforddiant TG gyda gwahaniaeth

Mae gennym gyfle hyfforddi newydd ar gyfer unrhyw un sydd â diddordeb mewn cymhwyster sy'n gallu rhoi hwb go iawn i’ch cyflogadwyedd. Rydym wedi bod yn siarad â chyflogwyr lleol ac mae rhai o'r sgiliau pwysig y maent yn chwilio amdanynt mewn recriwtiaid newydd yn cynnwys:

• Sgiliau cyfathrebu da
• Meddwl yn rhesymegol
• Gweithio fel tîm
• Datrys problemau

Mewn cydweithrediad â’r cwmni technoleg fyd enwog CISCO, rydym yn cyflwyno hyfforddiant TG gyda gwahaniaeth. Bydd yr hyfforddiant yn rhoi’r holl sgiliau allweddol hyn i’r cyfranogwyr, yn ogystal â dealltwriaeth gynhwysfawr o dechnoleg gyfrifiadurol.

Efallai eich bod yn edrych i fynd yn ôl i'r gwaith ar ôl cymryd amser allan, yn edrych i ddechrau eich gyrfa gyda'r sgiliau gorau posibl neu eisiau cadw eich CV mor gystadleuol â phosibl ar gyfer gweithio yn yr amgylchedd swyddfa fodern. Yr hyfforddiant hwn yw'r cam cyntaf delfrydol tuag at reoli eich gyrfa. Bydd yn cael ei gyflwyno mewn partneriaeth â Chymunedau yn Gyntaf Torfaen, ac mae'n cynnwys darllen personol, labordai ac asesiadau yn ein Hwb Digidol ym Mlaenafon. Mae'r oriau'n hyblyg er mwyn i chi ddewis pryd i'w gwblhau a bydd hyfforddwyr ardystiedig Melin yno i ddarparu cymorth ymarferol, hwyluso dysgu a dilyn cynnydd myfyrwyr.

Mae’r rownd gyntaf o hyfforddiant yn rhad ac am ddim, ond mae llefydd yn gyfyngedig. Am fwy o wybodaeth ac i gofrestru eich diddordeb, llenwch y ffurflen gais yma.

Yn ôl i newyddion