O 15 Gorffennaf 2022 bydd Deddf Rhentu Cartrefi (Cymru) 2016 yn newid y ffordd y mae’r holl landlordiaid yng Nghymru yn rhentu eu heiddo.
Mae’r Ddeddf yn rhoi mwy o eglurder ar hawliau a chyfrifoldebau i’n cwsmeriaid ac i ni fel eich landlord, drwy gontractau ysgrifenedig.
Dyma rhai pwyntiau allweddol
- Bydd Cartrefi Melin yn cael ei adnabod fel Landlord Cymunedol
- Bydd tenantiaid yn cael eu galw'n Ddeiliad Contract
- Bydd cytundebau tenantiaeth yn newid i Gontract Meddiannaeth
- Bydd dau fath o gontract – Diogel a Safonol
- Bydd y Ddeddf yn uno deddfwriaethau tai lluosog mewn un fframwaith cyfreithiol
- Bydd y Ddeddf yn symleiddio ac yn gwella eich hawliau
I ddeiliaid contractau bydd hyn yn golygu:
- Derbyn contract ysgrifenedig yn nodi eich hawliau a'ch cyfrifoldebau
- Mwy o ddiogelwch rhag cael eich troi allan
- Olyniaeth - gwell hawliau i drosglwyddo eich cartref
- Trefniadau mwy hyblyg i gyd-ddeiliaid contract, gan ei gwneud yn haws ychwanegu neu ddileu eraill o gontract meddiannaeth
Sut gallwch chi helpu
Byddai o gymorth i ni pe bai chi’n gallu sicrhau bod gennym eich manylion cyswllt diweddaraf - eich e-bost, rhif ffôn a’r dull cysylltu sydd orau gennych ac enw a manylion cyswllt unrhyw un arall sy’n byw gyda chi. Gallwch ddiweddaru hwn trwy Eich Cyfrif ar ein gwefan neu anfon e-bost atom ar – cofiwch roi eich enw a chyfeiriad fel ein bod yn gwybod pwy ydych chi.
Ar wahân i hynny, nid oes angen gwneud unrhyw beth yr eiliad hon.
Mwy o wybodaeth
Gallwch hefyd roi clic ar wefan Llywodraeth Cymru.
Os oes gennych unrhyw gwestiynau neu os hoffech chi drafod y newidiadau gyda ni, cysylltwch.
