Bore lles i staff
Roeddem wrth ein boddau yn gallu cynnal ein digwyddiad iechyd a lles personol Zest Fest am y tro cyntaf ers 2019 ... ac roedd yn ddigwyddiad gwych.
Ysgrifennwyd gan Fiona
—23 Maw, 2022
Rydym yn cymryd iechyd a lles eich staff o ddifrif ym Melin ac yn gwerthfawrogi ein menter, Zest, fwy nag erioed.
Yn ystod y pandemig, symudwyd holl fanteision Zest i staff arlein, ond nawr nad oes cyfyngiadau bellach (ac rydym yn gobeithio y bydd yn aros felly), roeddem wrth ein boddau yn mynd yn ôl i ddigwyddiad bywyd go iawn.
Mae ein staff yn cael amser i fynychu bore o les, wedi ei gynnal gan ein partneriaid yng Nghanolfan Byw’n Egnïol Pont-y-pŵl.
Yn ystod y bore, roedd staff yn gallu cymryd rhan mewn gweithgareddau celfyddyd a chrefftau, sy’n wych i’r meddwl ac yn helpu i roi straen bywyd bob dydd i un ochr. Roedd pobl yn gwneud gorchudd mwg, cyw bach ffelt a blodau o wifrau.
Os oedd staff awydd gwneud rhywbeth ychydig yn fwy corfforol, roedd ein partneriaid o Sir Casnewydd a’r Dreigiau Rygbi yno i gynnig heriau hwyliog gydol y bore. Roedd dosbarthiadau blasu ar gael gan Ymddiriedolaeth Hamdden Torfaen gan gynnwys: Pilates, spin and go tough, badminton, tennis bwrdd a sboncen, a oedd yn boblogaidd iawn gyda’r staff.
Roedd ein Parth Ymlacio yn cynnig archwiliadau iechyd mini, tylino ac adweitheg, ynghyd â defnydd llawn o’r cyfleusterau sba. Roedd yn fore llawn hwyl, ac ni allwn aros i wneud hyn i gyd y flwyddyn nesaf.
Os yw Melin yn swnio fel y math o sefydliad yr hoffech weithio iddo, sy’n gwneud gwahaniaeth go iawn i fywydau ei trigolion a’r cymunedau rydym yn eu gwasanaethu, edrychwch ar ein gwefan recriwtio, lle gallwch gofrestru i gael eich hysbysu pan fydd swyddi ar gael.
