Cerbydau

Parcio

Os yw eich cymydog yn parcio mewn modd sy'n rhwystro eich gallu i fynd i mewn i'ch cartref neu adael eich cartref a/neu le parcio penodedig, dechreuwch drwy siarad ag ef yn gyntaf. Efallai nad yw’n sylweddoli bod hyn yn achosi problem i chi.

Os yw eich man parcio dynodedig mewn maes parcio sy'n eiddo i Melin yn cael ei rwystro'n rheolaidd gan gymydog, gallwch roi gwybod i ni.

Mae'r awdurdod lleol yn rheoleiddio parcio ar y briffordd gyhoeddus a gallwch roi gwybod i'r heddlu am faterion parcio peryglus neu anghyfreithlon.

Sŵn cerbydau

Gall sŵn parhaus gan gerbydau, fel injan yn refio, egsôst swnllyd ar geir neu stereos, fod yn annifyr, ond nid oes gan Melin fawr o gyfrifoldeb i ddelio â digwyddiadau sy'n digwydd ar ffyrdd, palmentydd, neu ar ymylon (a elwir hefyd yn briffordd gyhoeddus). Mae angen rhoi gwybod i dîm iechyd yr amgylchedd eich awdurdod lleol am unrhyw bryderon sy'n ymwneud â cherbyd/au.

Gyrru peryglus

Nid oes gan Melin fawr o gyfrifoldeb i ddelio â digwyddiadau sy'n digwydd ar ffyrdd, palmentydd, neu ar ymylon (a elwir hefyd yn briffordd gyhoeddus). Os ydych yn credu bod Trosedd Traffig Ffyrdd wedi digwydd, fel goryrru neu yrru'n beryglus, dylech roi gwybod i Heddlu Gwent am y digwyddiad a'r amgylchiadau cyn gynted â phosibl drwy gysylltu â Heddlu Gwent neu mewn argyfwng, 999.

Parcio rhwystrol

Dylai pob un ohonom wneud ein gorau i barcio'n gwrtais, defnyddio mannau parcio lle y gallwn a pheidio ag achosi unrhyw rwystrau i'r ffordd, i fynediadau neu balmentydd.

Os yw eich cymydog yn parcio mewn ffordd sy'n rhwystro'r mynediad i'ch cartref neu le parcio dynodedig, dechreuwch drwy siarad ag ef yn gyntaf. Efallai nad yw wedi sylwi ei fod yn achosi problem i chi.

Os na fydd hyn yn datrys y mater, gallwch gysylltu â ni a gallwn ni gysylltu â’ch cymydog. Efallai nad yw eich cymydog, neu ei ymwelwyr, yn ymwybodol o’r trefniadau parcio. Gall hyn fod yn wir pan fydd preswylwyr yn newydd i'r ardal.

Fodd bynnag, os yw'r cerbyd ar briffordd gyhoeddus ac yn torri rheoliadau parcio lleol, gallwch gysylltu â’ch awdurdod lleol a all gyflwyno Hysbysiad Tâl Cosb.